يا ريتنى كنت سألت!

كل سؤال انت ما سألتوش هيجرى وراك. 
ده الدرس اللى هيفضل معاك فى رحلتك التقنية فى تخصصك. 
مع كل معلومة انت بتعديها وتاخدها زى ماهى منغير ما تسأل هتصرف كتير قوى عليها بعد كده.


هتجيلك مشكلة فى وقت زنقة وتسليم وضغط شغل بسبب عدم فهمك للحاجة دى كويس.
هتلاقى نفسك فى اجتماع مش عارف ترد على سؤال بسيط رغم انه ابسط حاجة فى شغلك.. بس عشان ما واجهتش مشكلة فيه فانت اعتبرته شغال for granted وتوهمت انك فعلا فاهمه.


اكبر درس لسه باتعلمه وهافضل اتعلمه: ازاى الواحد يسأل السؤال الصح.

ده بييجى بالتعود لما تحاول تعيد المعلومة على نفسك بسرعة كده وتتأكد انك عارف تصيغها فى دماغك مش مجرد انك سمعتها وفهمت الكلمات اللى قالها اللى قدامك. وده بيكون فعال اكتر لما تكتبها بايدك فعلا.



طبيعتنا مختلفة فى تطبيق ده، بس أكتر ناس شاطرة فيه هما أكتر ناس شفتهم سريعين فى الdebugging.

وسط الاجتماع والخناقات واحنا فاتحين الDebugger او الLogs بيروح سائل سؤال يخلى الكل يسكت ويفكروا للحظات: 
- احنا ليه اخترنا الطريق ده
- ليه افترضنا ان كذا شغال
- ليه افترضنا ان النتيجة اللى شايفنها من حاجة معينة صح مش غلط

وفعلا ياما اكتشفنا ان مفيش مشكلة
او ان المشكلة اصلا بسبب مصيبة فى حاجة تانية محدش توقع انها أصل المشكلة.